Psa 134 | VulgJ | STEP | alleluia laudate nomen Domini laudate servi Dominum alleluia laudate nomen Domini laudate servi Dominum

Psalms 134

1 alleluia laudate nomen Domini laudate servi Dominum ^va 2 qui statis in domo Domini in atriis domus Dei nostri ^va 3 laudate Dominum quia bonus Dominus psallite nomini eius quoniam suave ^va 4 quoniam Iacob elegit sibi Dominus Israhel in possessionem sibi ^va 5 quia ego cognovi quod magnus est Dominus et Deus noster prae omnibus diis ^va 6 omnia quae voluit Dominus fecit in caelo et in terra in mare et in omnibus abyssis ^va 7 educens nubes ab extremo terrae fulgora in pluviam fecit qui producit ventos de thesauris suis ^va 8 qui percussit primogenita Aegypti ab homine usque ad pecus ^va 9 emisit signa et prodigia in medio tui Aegypte in Pharaonem et in omnes servos eius ^va 10 qui percussit gentes multas et occidit reges fortes ^va 11 Seon regem Amorreorum et Og regem Basan et omnia regna Chanaan ^va 12 et dedit terram eorum hereditatem hereditatem Israhel populo suo ^va 13 Domine nomen tuum in aeternum Domine memoriale tuum in generationem et generationem ^va 14 quia iudicabit Dominus populum suum et in servis suis deprecabitur ^va 15 simulacra gentium argentum et aurum opera manuum hominum ^va 16 os habent et non loquentur oculos habent et non videbunt ^va 17 aures habent et non audient neque enim est spiritus in ore eorum ^va 18 similes illis fiant qui faciunt ea et omnes qui sperant in eis ^va 19 domus Israhel benedicite Domino domus Aaron benedicite Domino ^va 20 domus Levi benedicite Domino qui timetis Dominum benedicite Domino ^va 21 benedictus Dominus ex Sion qui habitat in Hierusalem

^va